Ólöf Sigríður Kristinsdóttir semur við Breiðablik út árið 2026!

Hún er fædd árið 2003 og er uppalin hjá Val en hefur spilað með Þrótti síðustu ár. Ólöf á 4 A-landsleiki og skoraði 2 mörk í sínum fyrsta leik.

Hún var útnefnd nýliði ársins í Ivy League-deildinni þar sem hún leikur með Harvard háskólanum. Ólöf var markahæsti leikmaður skólans með sjö mörk í fimmtán leikjum ásamt því að gefa tvær stoðsendingar.

Olla eins og hún er kölluð er virkilega spennandi leikmaður, spilar sem framherji og á eftir að styrkja liðið fyrir komandi átök í Bestu deildinni.