Þolinmæðin þrautir vinnur allar!
25.02.2021/2021/Aðalmynd_BB_IBV_600_600.jpg)
Breiðablik
INTERNET (9)
- * Þolinmæðin þrautir vinnur allar!
- * Leikskýrsla KSÍ
- * Úrslit.net
- * Óskar Hrafn eftir sigur á ÍBV: Þetta var þolinmæðisvinna
- * Myndaveisla í boði Fótbolti.net - Hulda Margrét
- * Lengjubikarinn: Blikar kláruðu Eyjamenn undir lokin
- * Blikar kláruðu Eyjamenn undir lok leiks
- * Sigurganga Breiðabliks heldur áfram
- * Lengjubikarinn 2021: Breiðablik - ÍBV á Kópavogsvelli i dag, fimmtudag kl.15:30 !!!
Blikar unnu þolinmæðissigur á baráttuglöðum Eyjamönnum 2:0 í Lengjubikarnum á Kópavogsvelli í dag. Bæði mörkin komu undir lok leiksins þegar stanslaus sókn Blika skilaði loks árangri. Fyrst skoraði Gísli á tíu mínútum fyrir leikslok eftir langa og harða sókn Blika.
/2021/jpg-Gísli_Eyjólfs_150_hönnun_600_338.jpg)
Gísli Eyjólfsson spilaði í dag 150. mótsleikinn með Breiðabliki.
Og svo setti Guðjón Pétur eitt kvikindi úr vítaspyrnu nokkrum mínútum síðar. Þar með erum við Blikar á toppnum á okkar riðli með 9 stig og markatöluna 11:0.
/2021/GPL_600_578.jpg)
Guðjón Pétur að skora úr vítaspyrnunni. Mynd: Hulda Margrét ljósmyndari
Vestmanneyingar létu okkur hafa vel fyrir hlutunum, sérstaklega í fyrri hálfleik. Þeir börðust vel, lokuðu vel á sóknirnar okkar og við náðum ekki nægjanlegum opnunum til að skora mark. Við vorum reyndar miklu meira með boltann en gestirnir áttu samt 1-2 hættulegar sóknir. Í síðari hálfleik hertist takið á Eyjamönnum. Þreytan fór að segja til sín hjá gestunum og fljótir sóknarmenn okkar gerðu þeim hvítklæddu erfitt fyrir.
Óskar Hrafn eftir sigur á ÍBV: Þetta var þolinmæðisvinna
En það var ekki fyrr en Guðjón Pétur átti snilldarsendingu á Damir úti á kanti sem ísinn var brotinn. Damir átti fasta sendingu fyrir þar sem Jason Daði fékk knöttinn en sá að Gísli var í betra færi. Miðjumaðurinn snjalli gerði engin mistök og kom knettinum örugglega í markið. Nokkrum mínútum síðar var brotið á Viktori Erni innan teigs og dómarinn dæmdi víti eftir smá hik. Guðjón Pétur skoraði örugglega úr vítinu. Hann hafði komið inn á sem varamaður og breytti töluverðu í spili Blikaliðsins. Það er mikill munur að hafa svona spilandi leikmann til taks þegar lið liggja mjög aftur.
Mörk og atvik úr leiknum í boði BlikarTV:
Þetta var fyrsti leikur sem áhorfendur voru leyfðir. Það var slæðingur af fólki sem mætti og var gaman að hafa líf í stúkunni á nýjan leik.
Næsta verkefni Blikaliðsins er gegn Fjölni í Egilshöllinni föstudaginn 5. mars.
-AP
Myndaveisla í boði Huldu Margrétar ljósmyndara
/2021/Myndaveisla_BB_IBV_600_598.JPG)
Myndir: Hulda Margrét ljósmyndari