-
Hlynur Örn Hlöðversson. Mynd: HVH
-
"Það getur verið kalt á bekknum" Hlynur Örn á varamannabekk Blika í leik gegn Fram í Lengjubikarnum 2017. Mynd: MÖ
Hlynur Örn lánaður í Fram
19.04.2017Markvörðurinn Hlynur Örn Hlöðversson hefur verið lánaður til Fram út keppnistímabilið 2017.
Hlynur er 20 ára gamall og ættaður frá Siglufirði. Hann hefur verið í herbúðum Blika í 5 ár. Árið 2013 var hann lánaður í Augnablik og spilaði þar 17 leiki í 3. deildinni. Árið 2015 var Hlynur lánaður í Tindastól þar sem hann lék 16 leiki í 2. deildinni. Og í fyrra var var hann lánaður hálft keppnistímabil til Grindavíkur þar sem hann lék 11 leiki.
Þess má geta að Hlynur spilaði sinn fyrsta meistaraflokksleik með KF í 2. deildinni árið 2011 aðeins 15 ára gamall. Hlynur hefur spilað fimm leiki með U-17 ára landsliði Íslands og sex leiki með U-19 ára landsliðinu.
Það verður gaman að fylgjast með Hlyni í Inkasso-deildinni í sumar og ljóst að hann mun koma reynslunni ríkari til okkar eftir tímabilið.