Kolbeinn Þórðarson hefur undanfarna daga verið til reynslu hjá danska toppliðinu Brøndby. Þar hefur hann æft með U19 ára liði félagsins en þetta er í annað sinn sem hann fer til Brøndby síðan tímabilinu lauk hér heima.

 

Fyrr í vikunni lék Kolbeinn með varaliði Brøndby þegar það mætti Lyngby í deildakeppni dönsku varaliðanna.

 

Kolbeinn var í byrjunarliði Brøndby sem tapaði leiknum 6-2. Þess má geta að fyrrum landsliðsmaðurinn Hallgrímur Jónasson var í byrjunarliði Lyngby í leiknum. Þrátt fyrir tap fær Kolbeinn mikið lof fyrir frammistöðu sína á vefmiðlum félagsins.

 

Kolbeinn, sem er fæddur árið 2000, hefur leikið 9 leiki fyrir meistaraflokk Breiðabliks, þar af 7 leiki í Pepsi deildinni á liðnu sumri. Þá hefur hann spilað 7 leiki fyrir U17 ára landslið Íslands.

 

Ljóst að framtíðin er björt hjá þessum efnilega leikmanni.