Markaregn á Kópavogsvelli
11.12.2022
Blikar töpuðu öðrum leiknum sínum á BOSE mótinu á svipaðan hátt og þeim fyrsta. Eini munurinn var sá að andstæðingarnir núna voru KR-ingar. Gestirnir skoruðu fjögur mörk en við þrjú. Okkar drengir voru sterkari í fyrri hállfeik og leiddu þegar gengið var til búningsherbergja 2:0.
En svo skiptu þjálfararnir Óskar Hrafn og Halldór alveg um lið í síðari hálfleik og ungir og efnilegir strákar fengu að spreyta sig. Við fengum frekar ódýr 3 mörk á okkur í á skömmum tíma og klúðruðum síðan vítaspyrnu undir lok leiksins.
Við eigum því ekki möguleika að vinna mótið í ár en þetta er samt búið að vera fínt mót til að starta undirbúningstímabilinu.
Það ánægjulega við leikinn gegn KR var að Eyþór Wöhler skoraði annan leikinn í röð.
Og ungur og efnilegur strákur úr 2. Flokki, Dagur Örn Fjeldsted,, skoraði stórglæsilegt mark og hefur vakið athygli fyrir góða spilamennsku:
HD gæði. pic.twitter.com/IYqTMczjVL
— Kristján Óli Sigurðsson (@kristjanoli) December 9, 2022
Einnig setti gamla brýnið Kristinn Steindórsson eitt mark.
-AP