Íslandsmeistarinn Karítas Tómasdóttir framlengir
16.12.2024
Karítas Tómasdóttir framlengir
Hinn reynslumikli leikmaður, Karítas Tómasdóttir, hefur skrifað undir samning við Breiðablik sem gildir út árið 2025.
Hún á alls 104 leiki með Blikum og hefur skorað í þeim 25 mörk. Þá á hún einnig 9 A-landsleiki, ásamt því að hafa leikið með yngri landsliðum Íslands.
Karítas spilaði stórt hlutverk í Íslandsmeistaraliði Breiðabliks í sumar, en hún skoraði alls 6 mörk í Bestu deildinni og Mjólkurbikarnum.
Karítas spilaði framan af ferlinum með Selfossi en hefur verið í Blikaliðinu frá árinu 2021. Frábærar fréttir að Karítas taki slaginn áfram með okkur