-
-
Myndin er tekin fyrir vígsluleik Kópavogsvallar gegn Vikingum frá Ólafsvík 7. júní 1975.
Pepsi-deildin handan við hornið!- Blikar-Víkingur Ó á Kópavogsvelli á sunnudag kl.19.15
30.04.2016Nú styttist í stóru stundina sem allir knattspyrnuáhugamenn hafa verið að bíða eftir. Íslandsmótið í knattspyrnu, Pepsí-deildin, hefst á sunnudag og tökum við Blikar á móti baráttujöxlunum frá Ólafsvík á Kópavogsvelli á sunnudag kl.19.15.
Víkingar Ó eru sýnd veiði en ekki gefin því þeir eru nýliðar og slíkt lið er alltaf sérstaklega hættulegt í fyrstu umferð. Við Blikar þurfum að eiga toppleik til að leggja þá af velli og eru okkar strákar vel á nótunum í þeim efnum.
Addi og Kristó þjálfarar geta teflt fram nánast öllum leikmönnum í þessum leik nema að Jonathan Glenn byrjar Íslandsmótið í tveggja leikja banni.
Breiðablik og Víkingur Ó hafa mæst fimmtán sinnum í opinberri keppni. Blikar hafa sigrað í tólf leikjum og þrír hafa endað með jafntefli. Sjá nánar um viðureignir liðanna hér.
Vígsluleikur Kópavogsvallar var einmitt Breiðablik-Víkingur Ó árið 1975. Hægt er að lesa um þann leik hér.
Áfram Blikar, alltaf, alls staðar!