FRÉTTIR

Úrslitaleikur Fótbolta.net 2020: Breiðablik – ÍA á Kópavogsvelli á fimmtudaginn

28.01.2020

Breiðablik mætir sprækum Skagamönnum í úrslitaleik Fótbolta.net-mótsin 2020 á Kópavogsvelli á fimmtudaginn kl.18:00! Frítt er inn á leikinn.

Búast má við hörkuleik enda bæði lið í góðu formi m.v. árstíma. Í leikjum um sæti er farið beint í vítaspyrnukeppni ef staðan er jöfn að loknum venjulegum leiktíma.

Leikurinn á fimmtudaginn verður 114. mótsleikur Breiðabliks og ÍA frá upphafi.

Liðin hafa mæst fjórum sinnum innbyrðis í Fótbolta.net-mótinu Fyrst í 0:0 jafnteflisleik árið 2012. Árin 2013 og 2015 áttust liðin við í Fífunni í leikjum sem Blikar unnu 1:0 og 3:0. Síðast áttust liðin við í Fótbolta.net-mótinu árið 2018 í Akraneshöllinni í leik sem Blikar unnu 0:4.

Leið liðanna í úrslitaleikinn.

Riðill 1 – Breiðablik 9 stig.

HK – Breiðablik 1:6
Breiðablik – ÍBV 2:0
FH – Breiðablik 1:4

Riðill 2 – ÍA 5 stig.

ÍA – Stjarnan 2:2
ÍA – Grindavík 2:0
ÍA – Grótta 3:3

Sigurvegarar Fótbolta.net-mótsins frá upphafi:

2011: Keflavík
2012: Breiðablik
2013: Breiðablik
2014: Stjarnan
2015: Breiðablik
2016: ÍBV
2017: FH
2018: Stjarnan
2019: Breiðablik

Við hvetjum Blika til að mæta á Kópavogsvöll á fimmtudaginn og njóta knattspyrnuleiks tveggja góðra liða í flóðljósum á nýjum velli í góðu veðri.

Leikurinn verður sýndur í beinni á YouTube rás BlikarTV fyrir þá sem ekki eiga heimangengt.

Áfram Blikar, alltaf alls staðar!

Til baka