Naumt tap gegn Val í fyrsta leik
27.04.2023
Besta deildin hófst með risaslag á Origovellinum þriðjudaginn 25.apríl 2023.
Valur
INTERNET (8)
- Naumt tap gegn Val í fyrsta leik
- KSÍ: leikskýrsla
- Myndaveisla: Eyjólfur Garðarsson tók þessar myndir á leiknum.
- Umfjöllun,viðtöl og myndir: Valur - Breiðablik 1-0 | Íslandsmeistararnir höfðu betur í fyrsta stórleik tímabilsins
- Skýrslan: Titilvörnin hefst á sterkum sigri
- Ási: Í þessum bransa er alltaf eitthvað mótlæti
- Þá ætti maður bara að vera heima
- Óvænt hetja í stórleiknum á Hlíðarenda
Bæði Breiðablik og Val er spáð í efstu sætin í Bestu deildinni í sumar og því var sannarlega von á hörkuleik. Bæði lið hafa verið og eru með leikmenn í meiðslum en það kemur alltaf maður í manns stað og liðin stilltu upp öflugum byrjunarliðum.
Blikastelpur voru heldur undir í baráttunni í fyrri hálfleik, þó án þess að Valsstelpur næðu að skapa sér mikið af opnum færum en það söng þó í slánni tvisvar sinnum. Ég er þó á því að Telma hefði tekið bæði skotin ef þau hefðu ratað undir slánna þar sem hún vel staðsett í bæði skiptin.
Blikar komu mjög ákveðnar inn í seinni hálfleikinn og leikurinn jafnaðist. Opin færi létu þó á sér standa þar til á 73 mín þegar misskilningur í vörninni varð til þess að Valur skoraði.
Það sem eftir lifði leiks höfðu Blikar öll völd á vellinum en inn vildi boltinn ekki. Undir lok leiks átti Agla María skot í slá sem hefði nú alveg mátt liggja inni. Jafntefli hefðu verið sanngjörn úrslit en tap var það sem við uppskárum í dag.
Það er klárt að þetta sumar verður gríðarlega spennandi. Mörg lið hafa sýnt það á undirbúningstímabilinu að þau ætla langt og má gera ráð fyrir mörgum jöfnum og spennandi leikjum. Markmiðin eru samt klár í Kópavoginum, við viljum vinna titla og komast í Evrópukeppnina.
Það er því ekki í boði að tapa mörgum leikjum í sumar. Það þarf mikinn fókus og mikla vinnu til að ná þessum markmiðum og stelpurnar eru tilbúnar í það.
Ída
