Tímamót og endurkomur á fallegu vorkvöldi
13.05.2022
KR
INTERNET (9)
- Tímamót og endurkomur á fallegu vorkvöldi
- KSÍ Leikskýrsla
- úrslit.net
- Myndir: Fótbolti.net - Eyjólfur Garðarsson
- Skýrslan: Fjögur mörk Blika í kuldanum í vesturbænum
- Ási Arnars: Frábært að fá Alexöndru og þær sem voru í Bandaríkjunum inn
- Alexandra: Þetta var ekta Alexöndru mark
- Breiðablik fór létt með KR
- Umfjöllun: KR - Breiðablik 0-4 | Sannfærandi Blikasigur gegn botnliðinu
Stórsigur í sól og blíðu á fallegu vorkvöldi í Vesturbænum. Það var aldrei spurning hvoru megin sigurinn myndi lenda og 4-0 sigur Blika í 4. umferð Bestu-deildarinnar gegn KR var síst of stór. Sérstaklega gleðilegt var að sjá endurkomu leikmanna sem áttu mikinn þátt í sigurgöngu Breiðabliks síðustu ár.
Alexandra Jóhannsdóttir kom beint í byrjunarliðið eftir að hafa komið á láni frá Frankfurt í vikunni og það tók hana innan við fimm mínútur að koma Blikum yfir. Svona á að minna á sig!
Hálfleikur í Frostaskjólinu. Staðan 0:2 fyrir Blika.
— Blikar.is (@blikar_is) May 13, 2022
Alexandra kannski aðein of lengi að reima á sig skóna en hún var ekki lengi að stanga boltann í netið strax á 4. mín. Hildur Antons bætti svo við laglegu marki á 34. mín. pic.twitter.com/BQC9qDIGlr
Hildur Antonsdóttir bætti við öðru marki fyrir leikhlé eftir undirbúning frá Laufeyju Hörpu, sem var í fyrsta sinn í byrjunarliði Blika. Þriðja markið skoraði Heiðdís svo eftir mikla baráttu í kjölfar hornspyrnu, áður en varamaðurinn Karen María innsiglaði sigurinn með frábæru skoti frá vinstri. Sannfærandi frammistaða, hvert sem litið var.
Staðreyndin er nú sú að Blikar hafa skorað 11 mörk í fyrstu fjórum leikjunum, mest allra.
Gæðin lifa hrókeringar
Áfram var hrókerað í liðinu, sérstaklega á miðjunni þar sem breiddin er mest, og gott að sjá að gæðin halda sér sama hverjar eru paraðar saman. Það er gríðarlegur styrkur sem getur reynst liðinu vel í sumar. Þá virkaði vængspilið afar vel eins og í síðustu leikjum.
Í því sambandi er vert að minnast á hvað fyrirliðinn Ásta Eir hefur byrjað tímabilið vel, bæði sóknarlega með frábærum sendingum og gríðarlegri baráttu í vörn. Virkilega gaman að sjá.
Minnst var á heimkomu Alexöndru hér að ofan sem heldur betur stimplaði sig inn, en það var ekki síður gleðilegt að sjá Áslaugu Mundu snúa aftur þegar hún kom inn á í sínum 100. leik fyrir Breiðablik. Tímamót í endurkomunni og frábært að sjá hana aftur í grænu treyjunni, því það vita allir hvað hún getur innan vallar og hversu mikil fyrirmynd hún er utan hans.
Það þarf að hafa hausinn í lagi
Varðandi leikinn sjálfan þá var í raun aldrei spurning hvernig færi. Það að komast yfir strax í upphafi gerði líka í raun út um leikinn, því getumunurinn á liðunum á þessum tímapunkti er einfaldlega of mikill. Þarna reyndi því meira á hugarfar leikmanna sem ekki er síður mikilvægt að hafa í lagi. Að detta ekki í einhvern hlutlausan gír heldur halda dampi, keyra hlutina áfram og ekki sætta sig við stöðu þótt góð sé. Það er alls ekki sjálfsagt að það takist vel.
Áfram er jákvæðnin í fyrirrúmi og við treystum því að það haldi áfram á miðvikudaginn þegar ÍBV kemur í heimsókn á Kópavogsvöll.
Sjáumst á vellinum – áfram Breiðablik!
-AYV
Myndir: Fótbolti.net - Eyjólfur Garðarsson
Mörk og atvik úr leiknum í boði BlikarTV:
Gefðu kost á þér í Blikar.is liðið
Blikar.is er óháður stuðningsmannavefur meistaraflokka Breiðabliks og nú vantar okkur fleira fólk til að sjá um að skrifa efni, setja inn efni og miðla því á samfélagsmiðlum Blikar.is.
Stuðningsmannavefurinn er mjög öflugur í allri fréttamiðlun á blikar.is vefnum og tengdum samfélagsmiðlum.
Ef þú hefur áhuga á og tíma til að gefa kost á þér í þetta lið, þá sendu okkur endilega línu á blikar@blikar.is
Miðlarnir okkar eru:
