Stíf lota fram undan hjá 21-árs landsliðinu
23.03.2021
Nú fer að hefjast einskonar túrnering hjá U21 landsliði karla fyrir EM 2021. Þó nokkrir uppaldir Breiðabliksmenn eru í hópnum en þrír leikir verða spilaðir dagana 27. -31. mars, allir í Ungverjalandi. Eftir riðlakeppnina verða nú í sumar spiluð 8-liða úrslit, undanúrslit og úrslit.
Allir sýndir í sjónvarpi
Gengi U21 liðsins hefur stundum virkað eins og loftvog á framtíðargengi A-landsliðsins og því fylgjumst við spennt með hvernig strákunum gengur í leikjunum þremur. Þeir eru þessir:
Fimmtudagur 21. mars kl. 17 Rússland- ÍSLAND
Sunnudagur 28. mars kl. 13 ÍSLAND -Danmörk
Miðvikudagur 31. mars kl. 16 ÍSLAND-Rússland
Allir leikirnir verða sýndir beint á RÚV.
Átta „Blikar“ í hópnum
Á dögunum kynnti Davíð Snorri Jónasson, landsliðsþjálfari, 23ja manna hóp til ferðarinnar. Rúmlega þriðjungur hópsins, eða átta gaurar, hefur komið við sögu hjá Breiðabliki. Það er til marks um þann stökkpall sem félagið er fyrir unga fótboltamenn að einungis einn þeirra spilar núna með klúbbnum, hinir sjö eru komnir út í atvinnumennsku. Þeir sem hafa spilað með Breiðabliki eru þessir, í stafrófsröð:
Andri Fannar Baldursson | Bologna
Brynjólfur Andersen Willumsson | Kristiansund BK
Elías Rafn Ólafsson | FC Fredericia
Kolbeinn Þórðarson | Lommel
Patrik Sigurður Gunnarsson | Silkeborg IF
Róbert Orri Þorkelsson | Breiðablik
Willum Þór Willumsson | BATE
Aðrir í hópnum eru þessir:
Alex Þór Hauksson | Öster
Ari Leifsson | Stromsgodset
Bjarki Steinn Bjarkason | Venezis
Finnur Tómas Pálmason | IFK Norrköping
Hákon Rafn Valdimarsson | Grótta
Hörður Ingi Gunnarsson | FH
Ísak Bergmann Jóhannesson | IFK Norrköping
Ísak Óli Ólafsson | Sönderjyske
Jón Dagur Þorsteinsson | AGF
Kolbeinn Birgir Finnsson | Dortmund
Mikael Neville Anderson | FC Midtjylland
Stefán Teitur Þórðarson | Silkeborg IF
Valdimar Þór Ingimundarson | Stromsgodset
Valgeir Lunddal Friðriksson | Häcken
Þórir Jóhann Helgason | FH
Myndaveisla frá æfingu strákanna í Györ í Ungverjalandi í morgun: Myndir: Fótbolti.net - Sæbjörn Þór Þórbergsson Steinke
Áfram Ísland
Við óskum strákunum góðs gengis og sendum þeim sterka grænleita strauma í þessa stífu leikjatörn næstu daga.
Eiríkur Hjálmarsson
áhorfandi
Hér er áhorfandinn með eiginkonu sinni, börnum, tengdabörnum, barnabörnum og fleiri Íslendingum á leik Íslands og Sviss á EM kvenna í Hollandi 2017.