Sambandsdeild UEFA 2024/25: Breiðablik - FC Drita 25. júlí kl.19:15!
25.07.2024![image](/images/made/images/uploads/frettir_(myndir)/2024/Breiðablik-Leikjafáni-fyrri-2024_600_688.png)
Þriðji Evrópuleikur Blika í ár er heimaleikur gegn FC Drita frá borginni Gjilan í Kósóvó í fyrri viðureign liðanna í undankeppni Sambandsdeildar UEFA 2024/25.
Flautað verður til leiks á Kópavogsvelli á fimmtudaginn kl.19:15!
Almenn miðasala er á Stubbur Selt er í númeruð sæti. Græna stofan verður opin fyrir leik, börger á grilli, rjúkandi kaffi og góðmeti í sjoppunni. Blikaklúbburinn mun kynna og selja varning í Blikabúðinni á Kópavogsvelli.
Minnum á að mæta tímanlega því skanna þarf alla miða við hliðin.
Leikurinn verður sýndur á Stöð 2 BD 2 rásinni. Útsending hefst kl.19:00!
Um FC Drita
Knattspyrnufélagið FC Drita (Albanska:Club Futbollistik Drita) er atvinnumannaklúbbur með aðsetur í borgini Gjilan í Kosovo og spilar þar í efstu deild. Liðið endaði síðasta keppnistímabil (36 leikir) í 3. sæti með 67 stig – 11 stigum á eftir sigurliðinu.
Félagið var upphaflega stofnað í Júgóslavíu árið 1947 en spilar núna í Kósovó eftir breytingar sem urðu árið 1990/91.
Heimavöllur Drita er Gjilan City Stadium - fjölnota leikvangur sem tekur 10.000 manns í sæti. Frá 2017 hefur völlurinn verið í stöðurgri endurnýjun en hann uppfyllir ekki kröfur UEFA. Félagið spilar því Evrópuleikinn gegn Breiðabliki á Zahir Pajaziti vellinum í borginni Podujevo í Kósovó, en þar er sami leikvangur og KF Llapi spilar sína heimaleiki. Llapi spilar á vellinum fimmtudaginn 1. ágúst sem er ástæðan fyrir þriðjudaginn 30. júlí sem leikdegi en ekki fimmtudaginn 1. ágúst.
Yfirlit Evrópukeppna FC Drita:
Evrópusaga Breiðabliks
Karlalið Breiðabliks lék sinn fyrsta Evrópuleik 15. júlí 2010. Síðan þá hefur Breiðablik tekið þátt í Evrópukeppnum í 10 ár af 14 mögulegum - þar af 6 síðustu ár í röð.
Leikurinn við FC Drita á fimmtudaginn verður 46. Evrópuleikur karlaliðs Breiðabliks frá upphafi.
Þátttaka Breiðabliks í Evrópumótum til þessa:
- Meistaradeild: 2023, 2011.
- Evrópudeild: 2023, 2020, 2019, 2016, 2013, 2010.
- Sambandsdeild: 2024, 2023, 2022, 2021.
Evrópublikar - 326 leikir !
Núverandi leikmannahópur Breiðabliks á að baki 326 leiki í 3 Evrópukeppnum. Andri Rafn leiðir með 39 leiki af 45 möguleikum. Hans fyrsti Evrópuleikur var gegn Motherwell sumarið 2010 sem var jafnframt fyrsti Evrópleikur meistarflokks karla.
Og Höskuldur skorar og skorar í Evrópuleikjum. Með marki sínu í leiknum gegn Tikvesh jafnaði Höskuldur Tryggva Guðmundsson sem skoraði 10 mörk í Evrópuleikjum fyrir FH og ÍBV. Næsta Evrópumark Höskuldar jafnar Atla Guðnason sem skoarði 11 mörk fyrir FH í Evrópukeppni á sínum tíma.
Andstæðingar Blika í Evrópukeppnum:
2024 - Drita - Tikvesh.
2023 - KAA Gent, Zorya Luhansk, Maccabi Tel Aviv, FC Struga - Zrinjski Mostar, FC Copenhagen, Shamrock Rovers, Buducnost Podgorica, Tre Penne.
2022 - Istanbul Basaksehir, Buducnost Podgorica, UE Santa Coloma.
2021 - Aberdeen, Austria Wien, Racing Union.
2020 - Rosenborg.
2019 - Vaduz.
2016 - Jelgava.
2013 - Aktobe, Sturm Graz, FC Santa Coloma.
2011 - Rosenborg.
2010 - Motherwell.
Dagskrá
Þriðji Evrópuleikur Blika í ár er heimaleikur gegn Drita í fyrri viðureign liðanna í undankeppni Sambandsdeildar UEFA 2024/25.
Flautað verður til leiks kl.19:15 á fimmtudaginn.
Almenn miðasala er á Stubbur Selt er í númeruð sæti. Græna stofan verður opin fyrir leik, börger á grilli, rjúkandi kaffi og góðmeti í sjoppunni. Blikaklúbburinn mun kynna og selja varning í Blikabúðinni á Kópavogsvelli.
Minnum á að mæta tímanlega því skanna þarf alla miða við hliðin.
Leikurinn verður sýndur á Stöð 2 BD 2. Útsending hefst kl.19:00!
Dómarar eru frá Tékklandi. Aðaldómari er Jan Petrik. Aðstoðardómarar eru: Marek Podaný og Lukáš Matoušek. Fjórði dómari er Jan Machálek.
Áfram Blikar! Alltaf - alls staðar!
PÓÁ