Sigur í fjölnota menningarhúsi Grafarvogs!
05.03.2021/2021/Fjölnir_BB_2021_HuldaMargret_600_604.JPG)
Myndaveisla í boði Huldu Margrétar ljósmyndara
Fjölnir
INTERNET (8)
- * Sigur í fjölnota menningarhúsi Grafarvogs!
- * Myndaveisla í boði Fótbolta.net c/o Hulda Margrét ljósmyndari
- * Leiksýrsla KSÍ
- * Úrslit.net
- * Höggi Gunnlaugs eftir sigur á Fjölni: Staðan er flott
- * Lengjubikarinn: Góður Blikasigur
- * Breiðablik ekki í neinum vandræðum í Egilshöll
- * Lengjubikarinn 2021: Fjölnir – Breiðablik í Egilshöll föstudag kl.20:00!
Gott gengi okkar manna hélt áfram eftir 3-1 sigur Blika gegn Fjölnismönnum í kvöld. Leikið var í hinu skemmtilega menningarsetri Grafarvogsbúa sem fékk heitið Egilshöll. Þar er hægt að fara í keilu, bíó, út að borða, ljósabekkjartíma, skauta, ræktina, spila fótbolta, fara í fimleika og svo mikið meira. Breiðabliksliðið mætti þó til þess að spila fótbolta og gerðu það prýðilega. Byrjunarliðið var á þessa vegu:
/2021/jpg-Fjolnir_BB_LB_2021_byrjunarlið_600_600.jpg)
Við stjórnuðum leiknum frá A-Ö, Fjölnismenn höfðu verið dagana á undan að grafa skotgrafir í hið vafasama gervigras og lágu í þeim. Það var hægt að telja skiptin á fingrum annarrar handar sem Fjölnismenn spiluðu sig yfir á vallarhelming Blika. Oliver reið á vaðið eftir u.þ.b. hálftíma leik með þrumuskoti af 30 metrum sem virðist hafa flöktað allverulega þar sem markmaður Fjölnismanna bar sig heldur furðulega eftir að skotið reið af.
Staðan í hálfleik var því 1-0 og undirritaður sat pollslakur í stúku Egilshallarinnar og hafði litlar sem engar áhyggjur af þessum leik. Ég hafði meiri áhyggjur af frammistöðu minni á nýjasta vettvangi Blikar.is sem er meiri virkni á Instagram. Mæli eindregið með að elta okkur þar undir heitinu blikaris
Brynjólfur fór út af í hálfleik og inn á kom nýjasti fulltrúi Pizzabæjarins í Breiðabliksliðinu, Jason Daði Svanþórsson. Á 55. mínútu var darraðardans í teig Fjölnismanna eins og svo oft áður í leiknum, Atli Hrafn náði þá að koma sér í álitlega stöðu sem endaði með því að Grafarvogsbúinn reif hann niður. Víti dæmt. Höskuldur tók það og skoraði af miklu öryggi.
Guðjón Pétur og Alexander Helgi komu báðir inn á með stuttu millibili fyrir Kristinn Steindórsson og Viktor Karl. Á 73. mínútu tók svo Jason Daði til sín og skoraði frábært mark eftir skemmtilegt samspil við Atla Hrafn. Vel gert drengir! Staðan 3-0. Ég sagði ítrekað við stjörnublaðamann fótbolta.net, Arnar Laufdal, að leikurinn myndi enda 5-0. Allt kom fyrir ekki og fengum við fyrsta markið á okkur í fjórum leikjum Lengjubikarsins á 90. mínútu.
Lokatstaðan því 3-1 sigur Breiðabliks og hin fínasta menningarferð í Grafarvoginn staðreynd.
Freyr Snorrason.
Arnar Laufdal Arnarsson hjá Fótbolta.net tók þetta viðtal við Höskuld fyrirliða eftir leik.