Þungavigtarmeistarar 2025
01.02.2025
Blikar unnu góðan 2:4 sigur á Stjörnunni í úrslitaleik Þungavigtarbikarsins í Miðgarði í Garðabænum í kvöld. Leikurinn var markalaus í fyrri hálfleik en allar flóðgáttir opnuðust í þeim síðari. Óli Valur setti fyrsta markið hjá sínum gömlu félögum strax eftir leikhléið og Höskuldur Gunnlaugsson bætti við marki úr vítaspyrnu eftir að Gummi Kristjáns ruddi Davíð Ingvars niður í teignum.
Við gleymdum okkur i smástund og Stjarnan jafnaði. En snilldarmark Höskuldar tryggði okkur í raun sigurinn. Á lokaandartökum leiksins bætti síðan Ágúst Þorsteinsson fjórða markinu við.
Sigurinn lofar góðu með framhaldið. Margir leikmenn fengu að spreyta sig og samkeppnin verður greinilega hörð um sæti í liðinu í sumar.
-AP