Karlar
Konur

BLIKAR.IS STUÐNINGSMANNAVEFUR

Við erum mættir aftur!

16.08.2024 image

15.08 19:15
2024
Valur
Breiðablik
0:2
11
3
A-deild | 16. umferð
Hlíðarendi | #

MYNDBÖND (3)

< >

INTERNET (11)

Blikar unnu frábæran 0:2 sigur á Valsmönnum á Híðarenda í gær í Bestu deild karla. Þetta var heilsteyptasti leikur liðsins í sumar og var hrein unun að sjá Blikaliðið spila. Fyrir utan kafla í fyrri hálfleik þá voru þeir grænklæddu mun sterkari í leiknum og áttu þennan sigur svo sannarlega skilið. Fremstur meðal jafningja í Blikaliðinu var Anton Ari í markinu. Hann var eins og kóngur í ríki sínu, varði þrisvar sinnum meistaralega í fyrri hálfleik og var í raun frábær allan leikinn. Þetta var líklegast besti leikur hans í Blikamarkinu frá því hann kom til okkar árið 2020. En í raun spiluðu allir leikmenn Breiðabliks frábærlega og var þetta svo sannarlega sigur liðsheildarinnar.

Til að halda í hefðina með sumarveðrið árið 2024 þá var auðvitað rigning og rok á Hlíðarenda. En strákarnir mættu samt með kassann þaninn og sást langar leiðir að þeir ætluðu sér stóra hluti í leiknum. Blikaliðiði hefur oft verið gagnrýnt í sumar fyrir að mæta ekki til leiks í fyrri háfleik en það var ekki raunin að þessu sinni. Menn voru tilbúnir í orrustu! Leikurinn byrjaði fjörlega og skiptust liðin á að sækja. Þrátt fyrir fyrirliðinn Höskuldur Gunnlaugsson hefði góðar gætur á snillingnum Gylfa Sigurðssyni þá náði hann tvisvar að þræða knöttinn í gegnum Blikavörnina í fyrri hluta háflleiksins. En þá kom títtnefndur Anton Ari til skjalana og varði stórkostlega. En sem betur ferð náðum við fljótlega  betri tökum á leiknum og undir lok hálfleiksins náði Damir Muminovic að halda upp á nýjan samning með því að koma knettinum í markið eftir hornspyrnu Höskuldar.

Sumir fjölmiðlar reyndu að kalla þetta sjálfsmark en Damír átti þetta mark skuldlaust. 

Blikaliðið lék við hvurn sinn fingur í síðari hálfleik. Valsmenn reyndu hvað þeir gátu til að komast inn í leikinn en það gekk ekki neitt hjá þeim. Þrátt fyrir að dómarinn sleppti tveimur augljósum vítaspyrnum á Valsliðið þá létu okkar strákar það ekkert á sig fá og héldu uppteknum hætti. Það skilaði sér með vinnumarki frá Ísaki Snæ. Á margan hátt líktist það markinu sem hann gerði gegn Fylki fyrir skömmu.

Varnarmaður þeirra rauðklæddu taldi sig geta stigið kraftakarlinn okkar út en honum varð ekki kápan úr því klæðiinu. Ísak axlaði hann auðveldlega í burtu og kom knettinum í markið á snyrtilegan hátt. Þrátt fyrir að Valsmenn hentu öllum varamönnunum sínum inn á völlinn, bæði innlendum og erlendum, stóðst Blikaliðið það áhlaup nokkuð örugglega. Frábært sigur í höfn og þetta lofar góðu um framhaldið.

Í lokin má ekki gleyma að minnast mjög góðs stuðnings úr stúkunni. Ekki var neinn sérstakur hópur Kópacabana manna á staðnum, þótt Hilmar Jökull sjálfur hafi að sjálfsögðu mætt og lagt sitt lóð á vogarskálarnar í stuðningum. Segja má að Blikarnir í stúkunni hafi breyst úr áhorfendum í stuðningsmenn í þessum leik. Vonandi heldur þessi stemming áfram það sem eftir er sumars!

Svo verðum við líka að hrósa deildinni og Arnari Laufdal fyrir flotta umfjöllun á samfélagsmiðlum. TikTok myndbandið eftir leik er til dæmis algjör snilld. Þar sést meðal annars  Ísak Snær hrópa ,,við erum mættir aftur“ og eru það orð að sönnu.

@breidablikfc

LETS GOOOO ????????‍????????????‍????

♬ original sound - Breidablik FC

Næsti leikur Blikaliðsins er gegn frískum Frömurum á Kópavogsvelli á þá ætlum við ölll að vera mætt aftur til að hvetja Blikaliðið til sigurs!

Áfram Blikar, alltaf, alls staðar!

-AP

Til baka