FRÉTTIR

Sambandsdeild UEFA 2024/25: Breiðablik - Tikvesh 18. júlí kl.19:15!

17.07.2024

Annar Evrópuleikur Blika í ár er heimaleikur gegn GFK Tikvesh í síðari viðureign liðanna í undankeppni Sambandsdeildar UEFA 2024/25.

Flautað verður til leiks á Kópavogsvelli á fimmtudaginn kl.19:15!

Almenn miðasala er á Stubbur Selt er í númeruð sæti. Græna stofan verður opin fyrir leik, börger á grilli, rjúkandi kaffi og góðmeti í sjoppunni. Blikaklúbburinn mun kynna og selja varning í Blikabúðinni.

Minnum á að mæta tímanlega því skanna þarf alla miða við hliðin.

Leikurinn verður sýndur á Stöð 2 Sport. Útsending hefst kl.19:00!

Fyrri leik liðannna á National Arena Todor Proeski vellinum í Skopje í N-Makedóníu lauk með 3:2 sigri heimamanna sem skoruðu 3 mörk í röð í seinni hálfleik. Staðan í hálfleik var 0:2 fyrir okkar menn:

11.07 18:30

2024

Tikvesh

Breiðablik

3:2

Evrópukeppni | 1. umf I undankeppni I fyrri leikur
National Arena Todor Proeski | #

MYNDBÖND (1)

INTERNET (11)

Um GFK Tikvesh

GFK Tikvesh, stofnað af hópi ungra áhugamanna á fundi á Balkan veitingastaðnum í Kavadarci, 21. desember 1930, er atvinnumannaklúbbur frá Kavadarci í Norður-Makedóníu sem leikur í makedónsku deildinni.

Eftir flakk á milli heimvalla fyrstu 20 árin festi félagið rætur á Gradski Stadion Kavadarci í mars 1950 og hefur félagið verið þar síðan.

Besta tímabil félagsins var á sjöunda áratugnum og allan áttunda áratuginn þegar Tikvesh vann makedónsku lýðveldisdeildina tvisvar: 1971/72 og 1977/78. Liðið hefur fimm sinnum leikið í júgóslavnesku annarri deildinni: 1955/56, 1968/69,1969/70,1972/73 og 1978/79.

Tikvesh var eitt af 18 stofnfélögum makedónsku fyrstu deildarinnar árið 1992. Félagið vann sinn fyrsta á síðasta keppnistímabili keppnistímabilið þegar liðið endaði í 4. sæti í deildinni - besti árangur liðsins í bestu deild frá upphafi - og vann, í fyrsta sinn, makedónísku bikarkeppnina í leik gegn Voska Sport 22. maí 2024. Frá því að bikarúrslitaleikurinn fór fram í lok maí þá hefur Tikvesh liðið bætt við sig einhverjum tíu leikmönnum og liðið verið styrkt umtalsvert. Þeir enduðu tímabilið mjög vel og eru að leika sinn annan Evrópuleik í sögu félagsins á Kópavogsvelli á fimmtudaginn.

Evrópusaga Breiðabliks

Karlalið Breiðabliks lék sinn fyrsta Evrópuleik 15. júlí 2010. Síðan þá hefur Breiðablik tekið þátt í Evrópukeppnum í 10 ár af 14 mögulegum - þar af 6 síðustu ár í röð.

Leikurinn við GFK Tikvesh á fimmtudaginn verður 45. Evrópuleikur karlaliðs Breiðabliks frá upphafi. Þátttaka í Evrópumótum til þessa:

- Meistaradeild: 2023, 2011.

- Evrópudeild: 2023, 2020, 2019, 2016, 2013, 2010.

- Sambandsdeild: 2024, 2023, 2022, 2021.

Evrópublikar - 312 leikir !

Núverandi leikmannahópur Breiðabliks á að baki 312 leiki í 3 Evrópukeppnum. Andri Rafn leiðir með 38 leiki af 44 möguleikum. Hans fyrsti Evrópuleikur var gegn Motherwell sumarið 2010 sem var jafnframt fyrsti Evrópleikur meistarflokks karla.

Andstæðingar Blika í Evrópukeppnum:

2024 - GFK Tikvesh.

2023 - KAA Gent, Zorya Luhansk, Maccabi Tel Aviv, FC Struga - Zrinjski Mostar, FC Copenhagen, Shamrock Rovers, Buducnost Podgorica, Tre Penne.

2022 - Istanbul Basaksehir, Buducnost Podgorica, UE Santa Coloma.

2021 - Aberdeen, Austria Wien, Racing Union.

2020 - Rosenborg.

2019 - Vaduz.

2016 - Jelgava.

2013 - Aktobe, Sturm Graz, FC Santa Coloma.

2011 - Rosenborg.

2010 - Motherwell.

Dagskrá

Annar Evrópuleikur Blika í ár er heimaleikur gegn GFK Tikvesh í síðari viðureign liðanna í undankeppni Sambandsdeildar UEFA 2024/25 á Kópavogsvelli á fimmtudaginn kl.19:15!

Minnum á að mæta tímanlega því skanna þarf alla miða við hliðin.

Leikurinn verður sýndur á Stöð 2 Sport. Útsending hefst kl.19:00!

Dómarar eru frá Finnlandi. Aðaldómari er Peiman Simani. Aðstoðardómarar eru: Christian De Casseres og Samu Koskinen. Fjórði dómari er Mohammed Al-emara.

Bein textalýsing UEFA

Áfram Blikar! Alltaf - alls staðar!

PÓÁ

Til baka